Skip to content
- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
ХАВСРАН СУУГАА ОРНУУДАД ЗОРИУЛАН МЭДЭЭЛЭЛ ХИЙВ PDF Хэвлэх И-мэйл
Бичсэн admin   
2016 оны 11-р сарын 28, Даваа гариг, 16:56

Монгол Улсаас БНХАУ-д суугаа Элчин сайдын яамнаас Монгол Улсыг хавсран суугаа орнуудын Элчин сайдын яамд болон Олон улсын байгууллагын төлөөлөлд мэдээлэл өгөх арга хэмжээг 2016 оны 11 дүгээр сарын 7-ны өдөр ЭСЯ-ны хурлын танхимд зохион байгуулав.

Арга хэмжээний үеэр Элчин сайд Д.Ганхуяг Монгол Улсын улс төр, эдийн засгийн нөхцөл байдал болон шинэ Засгийн газрын бүтэц, зохион байгуулалт, 2016-2020 онд хэрэгжүүлэх үйл ажиллагааны хөтөлбөр, тэргүүлэх чиглэлийг танилцуулж, оролцогчдын сонирхсон асуултад хариулав. Мөн Элчин сайдын яамдын төлөөлөлтэй хоёр талын харилцааны асуудлаар санал солилцов.

Мэдээллийн арга хэмжээнд нийт 52 орны дипломат төлөөлөгчийн газрын төлөөлөл оролцсон бөгөөд оролцогчдын зүгээс УИХ болон орон нутгийн сонгуулийн дүн,  Монгол Улсын хөрөнгө оруулалтын орчныг сайжруулах болон эдийн засгийн хямралыг даван туулах чиглэлээр авч буй арга хэмжээний талаар сонирхож байв.

 

 

Сүүлд шинэчлэгдсэн: 2016 оны 11-р сарын 28, Даваа гариг, 16:58
 
“ХУБИЛАЙ ХААН-4” ГОЛЬФЫН ТЭМЦЭЭН ЗОХИОН БАЙГУУЛАВ PDF Хэвлэх И-мэйл
Бичсэн admin   
2016 оны 11-р сарын 10, Пүрэв гариг, 09:51

“ХУБИЛАЙ ХААН-4” ГОЛЬФЫН ТЭМЦЭЭН ЗОХИОН БАЙГУУЛАВ

Монгол Улсаас БНХАУ-д суугаа Элчин сайдын яам Тяньжин хотын “Варнер гольфын клуб”-тэй хамтран “Хубилай хаан-4” гольфын нөхөрсөг тэмцээнийг энэ оны 10 дугаар сарын 29-ний өдөр амжилттай зохион байгуулав.  4 дэх удаагаа зохион байгуулсан уг тэмцээнд Монголын гольфын холбооны тамирчид, Гүрж, Польш, Латви Улсын Элчин сайд нар болон Хятад, Солонгос, Канад, Америк, Сингапур, Малайз зэрэг 12 орны 100 гаруй тамирчид оролцов. Тэмцээнд түрүүлсэн баг, тамирчдад Монгол цом, Монгол ноолууран бүтээгдэхүүний дээжээс гардуулж, Монголд үйлдвэрлэсэн бараа бүтээгдэхүүнийг сурталчлав. “Хубилай хаан-5” тэмцээнийг ирэх жил Улаанбаатарт зохион байгуулахаар болов.

 

 

 

 

 

 

 

 

Сүүлд шинэчлэгдсэн: 2016 оны 11-р сарын 10, Пүрэв гариг, 09:56
 
БНХАУ-ын Цэргийн төв зөвлөлийн орлогч дарга Сюй Цилян Монгол Улсын ЗХЖШ-ын дарга Д.Даваатай уулзав. PDF Хэвлэх И-мэйл
Бичсэн admin   
2016 оны 11-р сарын 10, Пүрэв гариг, 09:45

БНХАУ-ын Цэргийн төв зөвлөлийн орлогч дарга Сюй Цилян

Монгол Улсын ЗХЖШ-ын дарга Д.Даваатай уулзав.

БНХАУ-ын Цэргийн төв зөвлөлийн орлогч дарга хурандаа генерал Сюй Цилян тус улсад албан ёсны айлчлал хийсэн Монгол Улсын Зэвсэгт хүчний жанжин штабын дарга хошууч генерал Д.Давааг 2016 оны 10 дугаар сарын 14-ний өдрийн 16:30-17:10 цагт Хятадын БХЯ-ны төв байр “Ба-и” ордны хүндэтгэлийн танхимд хүлээн авч уулзан, хоёр талын харилцаа, цэргийн хамтын ажиллагааны асуудлаар санал солилцлоо.

Сюй Цилян хэлсэн үгэндээ “...Цэргийн бүх түвшиний харилцан айлчлал, солилцоо нь цэргийн итгэлцлийг тасралтгүй гүнзгийрүүлж ирлээ. Хоёр талын хамтран хэрэгжүүлсэн 9 удаагийн зөвлөлдөх уулзалт, 3 удаагийн хамтарсан цэргийн сургууль зэрэг механизмын хэлбэртэй арга хэмжээнүүд нь хоёр талын харилцаа, хамтын ажиллагааг улам урагшлуулсаар ирлээ.

Хятадын тал хоёр улсын харилцааг иж бүрнээр хөгжүүлэхийн тулд, бүс нутгийн энх тайван, тогтвортой байдлыг хамгаалахад томоохон хувь нэмэр оруулахын тулд, Монголын талын хамтаар хоёр орны удирдагчдын харилцан хүрсэн тохиролцоог хэрэгжүүлж, хоёр зэвсэгт хүчний стратегийн холбоо хэлхээг улам бэхжүүлэн, бүх салбарт бодит хамтын ажиллагааг гүнзгийрүүлэн, хоёр талын цэргийн харилцааг шинэ шатанд гаргахыг хүсч байна...” гэж онцлон тэмдэглэв.

Уулзалтанд Монгол Улсаас БНХАУ-д суугаа Элчин сайд Д.Ганхуяг, БХЯ-ны Стратегийн бодлого төлөвлөлтийн газрын дарга Г.Сайханбаяр, ЗХЖШ-ын Ажиллагааны удирдлагын газрын дарга Д.Ганзориг, ЗХЖШ-ын Тусгай төлөвлөлтийн хэлтсийн дарга Б.Даваадорж, БХЯ-ны Гадаад хамтын ажиллагааны газрын орлогч дарга хурандаа Ш.Амарбаясгалан, 167 дугаар нэгтгэлийн захирагч Ө.Эрдэнэ-Очир, ЗХЖШ-ын даргын шадар туслах Г.Золбадрах, Цэргийн атташе Б.Ганзориг, Цэргийн атташегийн туслах Д.Энхтүвшин нар байлцлаа.

Хошууч генерал Д.Даваа тэргүүтэй цэргийн төлөөлөгчид айлчлалын үеэр Юньнань мужийн Куньмин хот дахь уулын цэргийн боловсон хүчин бэлтгэх дээд сургуульд зочилж, тус сургуулийн үйл ажиллагаатай танилцав.

 
БНХАУ-ын Цэргийн төв зөвлөлийн орлогч дарга Сюй Цилян Монгол Улсын ЗХЖШ-ын дарга Д.Даваатай уулзав. PDF Хэвлэх И-мэйл
Бичсэн admin   
2016 оны 11-р сарын 10, Пүрэв гариг, 09:45

БНХАУ-ын Цэргийн төв зөвлөлийн орлогч дарга Сюй Цилян

Монгол Улсын ЗХЖШ-ын дарга Д.Даваатай уулзав.

БНХАУ-ын Цэргийн төв зөвлөлийн орлогч дарга хурандаа генерал Сюй Цилян тус улсад албан ёсны айлчлал хийсэн Монгол Улсын Зэвсэгт хүчний жанжин штабын дарга хошууч генерал Д.Давааг 2016 оны 10 дугаар сарын 14-ний өдрийн 16:30-17:10 цагт Хятадын БХЯ-ны төв байр “Ба-и” ордны хүндэтгэлийн танхимд хүлээн авч уулзан, хоёр талын харилцаа, цэргийн хамтын ажиллагааны асуудлаар санал солилцлоо.

Сюй Цилян хэлсэн үгэндээ “...Цэргийн бүх түвшиний харилцан айлчлал, солилцоо нь цэргийн итгэлцлийг тасралтгүй гүнзгийрүүлж ирлээ. Хоёр талын хамтран хэрэгжүүлсэн 9 удаагийн зөвлөлдөх уулзалт, 3 удаагийн хамтарсан цэргийн сургууль зэрэг механизмын хэлбэртэй арга хэмжээнүүд нь хоёр талын харилцаа, хамтын ажиллагааг улам урагшлуулсаар ирлээ.

Хятадын тал хоёр улсын харилцааг иж бүрнээр хөгжүүлэхийн тулд, бүс нутгийн энх тайван, тогтвортой байдлыг хамгаалахад томоохон хувь нэмэр оруулахын тулд, Монголын талын хамтаар хоёр орны удирдагчдын харилцан хүрсэн тохиролцоог хэрэгжүүлж, хоёр зэвсэгт хүчний стратегийн холбоо хэлхээг улам бэхжүүлэн, бүх салбарт бодит хамтын ажиллагааг гүнзгийрүүлэн, хоёр талын цэргийн харилцааг шинэ шатанд гаргахыг хүсч байна...” гэж онцлон тэмдэглэв.

Уулзалтанд Монгол Улсаас БНХАУ-д суугаа Элчин сайд Д.Ганхуяг, БХЯ-ны Стратегийн бодлого төлөвлөлтийн газрын дарга Г.Сайханбаяр, ЗХЖШ-ын Ажиллагааны удирдлагын газрын дарга Д.Ганзориг, ЗХЖШ-ын Тусгай төлөвлөлтийн хэлтсийн дарга Б.Даваадорж, БХЯ-ны Гадаад хамтын ажиллагааны газрын орлогч дарга хурандаа Ш.Амарбаясгалан, 167 дугаар нэгтгэлийн захирагч Ө.Эрдэнэ-Очир, ЗХЖШ-ын даргын шадар туслах Г.Золбадрах, Цэргийн атташе Б.Ганзориг, Цэргийн атташегийн туслах Д.Энхтүвшин нар байлцлаа.

Хошууч генерал Д.Даваа тэргүүтэй цэргийн төлөөлөгчид айлчлалын үеэр Юньнань мужийн Куньмин хот дахь уулын цэргийн боловсон хүчин бэлтгэх дээд сургуульд зочилж, тус сургуулийн үйл ажиллагаатай танилцав.

 
Монголын цэргийн төлөөлөгчид “Сяшаний форум”-д оролцлоо. PDF Хэвлэх И-мэйл
Бичсэн admin   
2016 оны 11-р сарын 10, Пүрэв гариг, 09:39

Монголын цэргийн төлөөлөгчид “Сяшаний форум”-д оролцлоо.

Хятадын Цэргийн шинжлэх ухааны академи болон Олон улсын стратегийн судалгааны нийгэмлэгээс бүс нутгийн аюулгүй байдал, батлан хамгаалах асуудлаарх 7 дахь удаагийн “Сяншань”-ны форумыг 10 дугаар сарын 10-12-ны өдрүүдэд Бээжин хотноо “Аюулгүй байдлын яриа хэлэлцээг бэхжүүлж, шинэ хэлбэрийн олон улсын харилцааг бүрдүүлэе” уриан доор зохион байгууллаа.

Форумыг нээж БНХАУ-ын Төрийн зөвлөлийн гишүүн, Батлан хамгаалахын сайд хурандаа генерал Чан Ванцуань үг хэлэв. Хятадын цэргийн дээд удирдлага, 64 улс болон олон улсын байгууллагын 400 гаруй цэрэг, улс төрийн дээд, өндөр албаны төлөөлөгчид, эрдэмтэн судлаачид оролцсон, энэ удаагийн форумаар “Олон улсын засаглалд зэвсэгт хүчний гүйцэтгэх үүрэг”, “АНДБН-ийн аюулгүй байдалд тулгарч буй шинэ сорилтыг даван туулахад хамтран ажиллах нь”, “Далай тэнгис дэх хамтын ажиллагаа”, “Олон улсын терроризмын аюул занал, түүний эсрэг тэмцэх арга зам” гэсэн 4 үндсэн сэдвээр илтгэл тавьж, санал солилцлоо.

Форумд Монгол Улсын ЗХЖШ-ын дарга хошууч генерал Д.Даваа, БХЯ-ны Стратегийн бодлого төлөвлөлтийн газрын дарга бригадын генерал Г.Сайханбаяр нар оролцсон бөгөөд хошууч генерал Д.Даваа “АНДБН-ийн  аюулгүй байдалд учирч буй сорилт, түүнийг даван туулахад хамтран ажиллах нь” сэдвээр илтгэл тавьж, АНДБН-ийн аюулгүй байдал, хамтын ажиллагаа болон тус бүс нутгийн талаар Монгол Улсын баримталж буй бодлого, байр суурь, оролцооны талаар танилцууллаа.

 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 26-с 1